Public widget

Public RSS Widgets

  • فن لینڈ کی وزیراعظم کو پرائیوٹ پارٹی ویڈیو وائرل ہونے پر کڑی تنقید کا سامنا
  • فن لینڈ کی وزیر اعظم ثنا مارن کو پرائیوٹ پارٹی ویڈیو وائرل ہو نے پر کڑی تنقید کا سامنا ہے۔

    انٹر نیشنل میڈیا کے مطابق 36سالہ فنِنش وزیر اعظم کی تیزی کے ساتھ پھیلتی ڈانسنگ ویڈیو کے لوکل اور سوشل میڈیاپر چرچے ہیں جس میں انہیں دوستوں کے ہمراھ  ڈانس کرتےہوئے دیکھا جاسکتا ہے۔

    Finland’s Prime Minister @MarinSanna is in the headlines after a video of her partying was leaked today.

    She has previously been criticized for attending too many music festivals & spending too much on partying instead of ruling.

    The critics say it’s not fitting for a PM. pic.twitter.com/FbOhdTeEGw

    — Visegrád 24 (@visegrad24) August 17, 2022

    ویڈیو پر آنے والے عوامی ردعمل میں کہیں وزیر اعظم کو کڑی تنقید کا نشانہ بنیا گیاہے تو کہیں ان کی تعریف کی گئی ہے، کمنٹس میں لوگوں کا کہنا ہے کہ یہ وزیراعظم کو زیب نہیں دیتا، تو کسی نے اسے زندہ دلی کا نام دیا، کہیں منشیات کے اثر سے بھی تشبیح دی گئی۔

    ثنا مارن نے منشیات کے استعمال کو یکسر مسترد کرتئے ہوئے کہا ہے کہ “مجھ کسی سےکچھ چھپانے کی ضرورت نہیں، منشیات استعمال نہیں کیں اور یہ ثابت کرنے کیلئے وہ ڈرگ ٹیسٹ کرانے کیلئے بھی تیار ہیں”۔

    صحافیوں سے گفگتگو کرتے ہوئے ان کا کہنا تھا کہ وہ ایک شام اپنے دوستوں کے ساتھ گزار ہی تھیں، منظر عام پر آنیوالی ویڈیو ایک پرائیوٹ مقام کی ہے نہ صرف وہ بلکہ پارٹی میں شریک کوئی بھی فرد منشیات کے استعمال میں ملوث نہیں۔

     

    حکومتی اتحادی جماعت نے  وزیر اعظم کو مشورہ دیا ہے کے وہ رضا کارانہ طورپر ڈرگ ٹیسٹ کروالیں۔

    واضح رہے کے 2019میں فن لینڈ کی وزیر اعظم بننے والی 34 سالہ ثنا مارن کو اس سے قبل بھی نجی پارٹیز منعقد کرنے پر کڑی تنقید کا سامناکرنا پڑا ہے۔

    The post فن لینڈ کی وزیراعظم کو پرائیوٹ پارٹی ویڈیو وائرل ہونے پر کڑی تنقید کا سامنا appeared first on ایکسپریس اردو.



  • کراچی میں موسلادھار بارش کا امکان ختم، محکمہ موسمیات
  •  کراچی: محکمہ موسمیات نے شہر قائد میں پیر تک ہلکی بارش کا سلسلہ جاری رہنے کی پیش گوئی کردی تاہم موسلادھار بارش کا امکان اب ختم ہوگیا۔

    چیف میٹرولوجسٹ سردار سرفراز کے مطابق شہر میں بھاری اسپلیز کا سبب بننے والے مون سون سسٹم کے زیر اثر شہر میں موسلادھار بارشوں کے امکانات معدوم ہوگئے۔

    محکمہ موسمیات کے حکام کا کہنا ہے کہ آج جمعہ 19 اگست سے 22 اگست تک مطلع جذوی/مکمل ابرآلود اور ہلکی بارش کا امکان رہے گا۔

    چیف میٹرولوجسٹ کا مزید کہنا ہے کہ وسطی اور بالائی سندھ میں موسلا دھار بارش 20 اگست کی صبح تک جاری رہنے کی توقع ہے۔

    The post کراچی میں موسلادھار بارش کا امکان ختم، محکمہ موسمیات appeared first on ایکسپریس اردو.



  • عمران خان کے سیکریٹری اعظم خان کی بطورایگزیکٹو ڈائریکٹر ورلڈ بینک تقرری کا نوٹیفکیشن منسوخ
  •  اسلام آباد: حکومت نے موجودہ ایگزیکٹو ڈائریکٹر ورلڈ بینک نوید کامران بلوچ کی مدت میں ایک سال توسیع کر دی۔

    ایکسپریس نیوز کے مطابق حکومت نے سابق وزیراعظم عمران خان کے پرسنل سیکرٹری اعظم خان کی بطور ایگزیکٹو ڈائریکٹر ورلڈ بینک تقرری کا نوٹیفکیشن منسوخ کردیا۔

    وفاقی حکومت نے موجودہ ایگزیکٹو ڈائریکٹر ورلڈ بینک نوید کامران بلوچ کی مدت میں ایک سال توسیع کر دی، جس کا نوٹیفکیشن بھی جاری کردیا گیا۔

    اعظم خان نے 31 اکتوبر 2022 کو ورلڈ بینک میں جوائننگ دینا تھی، جس کا 21 فروری 2022 کو اعظم خان نے چار سال کیلئے ورلڈ بینک میں اپنی تقرری کا نوٹیفکیشن جاری کروایا تھا۔

    The post عمران خان کے سیکریٹری اعظم خان کی بطورایگزیکٹو ڈائریکٹر ورلڈ بینک تقرری کا نوٹیفکیشن منسوخ appeared first on ایکسپریس اردو.



  • کراچی میں پلاسٹک کی تھیلیوں کی تیاری اور فروخت پر پابندی
  • کراچی: کمشنر کراچی اقبال میمن نے شہر میں پلاسٹک کی تھیلیوں کی تیاری اور فروخت پر پابندی عائد کردی ہے۔

    تفصیلات کے مطابق اس ضمن میں نوٹیفکیشن بھی جاری کردیا گیا ہے۔ کمنشنر کراچی اقبال میمن نے کہا کہ پلاسٹک کی تھیلیوں سے برساتی نالوں اور سیوریج کا نظام شدید متاثر ہوتا ہے، جس کی وجہ سے پلاسٹک کی تھیلیوں پر پابندی لگائی گئی ہے۔

    انہوں نے کہا کہ پابندی 18 اکتوبر تک برقرار رہے گی۔ انہوں نے کہا کہ حکم نامے پر عمل درآمد کے لیے ضلعی انتظامیہ کو ہدایات جاری کردی ہیں۔

    کمشنر کراچی نے کہا کہ تمام ڈپٹی کمشنرز اور اسسٹنٹ کمشنرز کو ہدیات کی گئی ہے کہ خلاف ورزی کرنے والوں کے خلاف مقدمات درج کریں۔

    3 برس قبل بھی سندھ حکومت نے پلاسٹک تھیلیوں کی تیاری، فروخت، اور استعمال پر پابندی عائد کی تھی۔ اس حوالے سے پلاسٹک بیگ سے متعلق عوامی آگاہی مہم بھی چلائی گئی تھی۔

    The post کراچی میں پلاسٹک کی تھیلیوں کی تیاری اور فروخت پر پابندی appeared first on ایکسپریس اردو.



  • پشاور میں بھائی نے غیرت کے نام پر بہنوں سمیت 3 لڑکیوں کو قتل کردیا
  • پشاور تھانہ دائود زئی کی حدود میں بھائی نے دوستوں کے ساتھ مل کر مبینہ طور پر غیرت کے نام پر اپنی دو بہنوں اور ان کی ایک سیہلی کو قتل کردیا۔

    ابتدائی تفصیلات کے مطابق باپ کی مدعیت میں مقدمہ درج کرلیا گیا۔ مدعی یاسین نے رپورٹ درج کرائی کہ اس کے بیٹے امجد نے اپنے دیگر ساتھیوں فرہاد، گل شیر، سید رحمان اور کامران کے ہمراہ اراضیات بابوزئی میں اپنی بہنوں اور ان کی سہیلی کو فائرنگ کر کے قتل کیا ہے۔

    رپورٹ کے مطابق وجہ عناد غیرت کے نام کا بتایا گیا ہے۔ پولیس کے مطابق ابتدائی تفتیش کے دوران یہ بات سامنے آئی ہے کہ دونوں لڑکیوں کا ایک لڑکے کے ساتھ دوستانہ تعلقات تھے۔

    پولیس کے مطابق ملزمان واردات کے بعد موقع سے فرار ہوگئے جن کی گرفتاری کے لیے خصوصی ٹیمیں تشکیل دے دی گئی ہیں۔ پولیس نے وقوعہ سے سے خالی خول اور دیگر اہم شواہد اکٹھے کرلیے ہیں۔

    پولیس نے لاشیں پوسٹ مارٹم رپورٹ کے لیے اسپتال منتقل کردی ہیں۔

    The post پشاور میں بھائی نے غیرت کے نام پر بہنوں سمیت 3 لڑکیوں کو قتل کردیا appeared first on ایکسپریس اردو.



Powered by Web RSS