- കെട്ടുകണക്കിന് ലൈസന്‍സ്, ഫീസ് വിവരങ്ങള്‍ കാണാനില്ല; പയ്യന്നൂര്‍ ആര്‍.ടി. ഓഫീസ് ഭരണം ഏജന്റുമാര്‍ക്ക്
വെള്ളൂരിൽ പ്രവർത്തിക്കുന്ന പയ്യന്നൂർ സബ് റീജണൽ ട്രാൻസ്പോർട്ട് ഓഫീസിൽ വീണ്ടും വിജിലൻസ് റെയ്ഡ്. വിജിലൻസ് ഡിവൈ.എസ്.പി. ബാബു പെരിങ്ങേത്തിന്റെ നേതൃത്വത്തിൽ മൂന്ന് ഇൻസ്പെക്ടർമാരുൾപ്പെടെ 25 അംഗ സംഘമാണ് വ്യാഴാഴ്ച വീണ്ടും റെയ്ഡ് നടത്തിയത്. കൈക്കൂലി വാങ്ങിയ അസി. മോട്ടോർ വെഹിക്കിൾ ഇൻസ്പെക്ടർ പി.വി. പ്രസാദിനെ തിങ്കളാഴ്ച നടത്തിയ റെയ്ഡിൽ അറസ്റ്റുചെയ്തിരുന്നു. റിമാൻഡിലുള്ള ഇയാളെ സസ്പെൻഡ് ചെയ്തു. ഇതിനുപിന്നാലെയാണ് വ്യാഴാഴ്ചയും റെയ്ഡ് നടത്തിയത്. രാവിലെ 11-ന് തുടങ്ങിയ റെയ്ഡ് വൈകുന്നേരം അഞ്ചിനാണ് അവസാനിച്ചത്. അപേക്ഷകർക്ക് നൽകേണ്ട ആയിരക്കണക്കിന് രേഖകളാണ് കെട്ടിക്കിടക്കുന്നതെന്ന് പരിശോധനയിൽ കണ്ടെത്തി. ജനുവരിയിൽ അച്ചടിച്ച് വിതരണം ചെയ്യാനായി തയ്യാറാക്കിയ ലൈസൻസുകളും രജിസ്ട്രേഷൻ സർട്ടിഫിക്കറ്റുകളുംവരെ ഇതിൽ ഉൾപ്പെടും. മേലധികാരികൾപോലുമറിയാതെ ചില ഉദ്യോഗസ്ഥർ അനധികൃത കൈകടത്തലുകൾ നടത്തി ഓഫീസിന്റെ പ്രവർത്തനം താളംതെറ്റിയ നിലയിലാണെന്നും വിജിലൻസ് സംഘം കണ്ടെത്തി. വാഹന ഡീലർമാർ വഴിയെത്തുന്ന പുതിയ വാഹനങ്ങളുടെ രജിസ്ട്രേഷൻ നടത്താതെ ഏജന്റുമാർ മുഖാന്തരമെത്തുന്ന അപേക്ഷകൾ വേഗത്തിൽ തീർപ്പാക്കുകയാണ് ചെയ്യുന്നത്. ഒറ്റദിവസംകൊണ്ട് ആർ.സി. നൽകി അപേക്ഷകരെ സഹായിക്കാൻ നടപ്പാക്കിയ സംവിധാനമുണ്ടായിട്ടും ഇവരെ മാസങ്ങളായി വട്ടംകറക്കുകയാണ്. രജിസ്ട്രേഷനും ഫിറ്റ്നസിനും മറ്റുമുള്ള ഫയലുകൾ കൃത്യമായി സൂക്ഷിക്കാതെയും അവ അതത് സെക്ഷനുകളിൽ എത്തിക്കാതെയും എ.എം.വി.ഐ. ഒപ്പിട്ട് കൈമാറ്റം ചെയ്യുന്നതായും കണ്ടെത്തി. സർക്കാർ ഓഫീസിന്റെതായ ഒരു ചിട്ടയും പാലിക്കാതെയാണ് എല്ലാ സെക്ഷനുകളുടെയും പ്രവർത്തനം. മുന്നിലൂടെയും പിന്നിലൂടെയും ഓഫീസിനുള്ളിൽ പ്രവേശിക്കാവുന്ന രീതിയിലാണ് വാതിലുകൾ ക്രമീകരിച്ചിട്ടുള്ളത്. ഫീസ് വിവരങ്ങൾ രേഖപ്പെടുത്തിയ ബോർഡുകൾ പ്രദർശിപ്പിക്കാത്തതും അഴിമതിക്ക് അവസരമൊരുക്കാനാണെന്ന് വിജിലൻസ് സംഘം കണ്ടെത്തി. അപേക്ഷകൾ വാങ്ങിയതിനും സർട്ടിഫിക്കറ്റുകൾ നൽകിയതിനുമുള്ള രജിസ്റ്റർ പരിശോധനയിൽ ലഭിച്ചിട്ടില്ല. ആഴ്ചപ്പടിയായും മാസപ്പടിയായും പതിനായിരങ്ങൾവീതം നൽകിയതിന്റെ തെളിവുകൾ ചില ഡ്രൈവിങ് സ്കൂളുകളുടെ രജിസ്റ്ററിൽനിന്ന് ലഭിച്ചു. തപാൽ വഴി അയക്കേണ്ട രേഖകൾ ഡെസ്പാച്ച് രജിസ്റ്ററിൽ ഒപ്പിട്ട് ഏജന്റുമാർ കൈവശപ്പെടുത്തുകയും ഇതുപയോഗിച്ച് വിലപേശൽ നടത്തുകയുമാണ്. ഏജന്റുമാർക്ക് രേഖകൾ കൈപ്പറ്റാനുള്ള ഓതറൈസേഷൻ കത്തുകൾ ഓഫീസ് ഫയലിൽ സൂക്ഷിച്ചിട്ടില്ല. കഴിഞ്ഞദിവസത്തെ അറസ്റ്റിനെത്തുർന്ന് നിരവധി പരാതികളാണ് വിജിലൻസ് ഓഫീസിൽ ലഭിച്ചത്. ഓഫീസ് രേഖകൾ ഡ്രൈവിങ് സ്കൂളിൽ കഴിഞ്ഞദിവസം പിലാത്തറ ചുമടുതാങ്ങിയിലെ ഡ്രൈവിങ് സ്കൂളിൽ നടത്തിയ പരിശോധനയിൽ സബ് ആർ.ടി. ഓഫീസുമായി ബന്ധപ്പെട്ട രേഖകളും കണ്ടെത്തി. ഓഫീസിലെ ജീവനക്കാരുടെ ഡ്യൂട്ടി രജിസ്റ്ററുമായി ബന്ധപ്പെട്ട വിവരങ്ങൾ, ജീവനക്കാർക്ക് മോട്ടോർവാഹനവകുപ്പിന്റെ ഔദ്യോഗിക സൈറ്റിൽ കയറാനാവശ്യമായ യൂസർനെയിമും പാസ്വേഡും തുടങ്ങിയവ ഇതിലുൾപ്പെടും. കൈക്കൂലിക്കേസിൽ അറസ്റ്റിലായ പി.വി. പ്രസാദിൽനിന്ന് കിട്ടിയ തെളിവുകളുടെ അടിസ്ഥാനത്തിലാണ് ഡ്രൈവിങ് സ്കൂളിൽ പരിശോധന നടത്തിയത്. ഫിറ്റ്നസ് രേഖകൾ പ്രിന്റെടുത്ത് വിലപേശും വാഹനങ്ങളുടെ ഫിറ്റ്നസ് രേഖകൾ ഒറ്റത്തവണ മാത്രമേ മോട്ടോർ വാഹനവകുപ്പിന്റെ വെബ്സൈറ്റിൽനിന്ന് പ്രിന്റെടുക്കാനാവൂ. ഏജന്റുമാരും ഉദ്യോഗസ്ഥരും ചേർന്ന് നേരത്തെ ഇതിന്റെ പ്രിന്റെടുത്ത് വിലപേശുകയാണ് ചെയ്യുന്നതെന്ന് വിജിലൻസ് അധികൃതർ പറഞ്ഞു. ഇത് കാണിച്ചാണ് കൈക്കൂലി ആവശ്യപ്പെടുന്നത്. ഓഫീസിൽ പ്രിന്റെടുത്ത് സൂക്ഷിച്ചിട്ടുള്ള നിരവധി രേഖകൾ പരിശോധനയിൽ കണ്ടെത്തി. Content Highlights:Vigilance Raid In Payyanur RT Office, MVD Kerala, AMVI Suspended
- തായ്വാനെ സംരക്ഷിക്കാന്‍ രംഗത്തെത്തുമെന്ന് ബൈഡന്‍; പ്രതിഷേധവുമായി ചൈന
ബാൽട്ടിമോർ: ചൈനയ്ക്കെതിരായ തായ്വാന്റെ പ്രതിരോധത്തിന് അമേരിക്ക രംഗത്തിറങ്ങുമെന്ന് യു.എസ് പ്രസിഡന്റ് ജോ ബൈഡൻ. വിഷയത്തിൽ ദീർഘകാലമായി അമേരിക്ക തുടർന്നുവന്നിരുന്ന തന്ത്രപരമായ മൗനം നീക്കിയാണ് ചൈനയിൽ നിന്ന് തായ്വാനെ സംരക്ഷിക്കാൻ അമേരിക്ക രംഗത്തിറങ്ങുമെന്ന് അമേരിക്കൻ പ്രസിഡന്റ് പ്രഖ്യാപിച്ചിരിക്കുന്നത്. എന്നാൽ തായ്വാൻ വിഷയത്തിൽ അമേരിക്ക നിലപാടുകളിൽ മാറ്റമൊന്നും വരുത്തിയിട്ടില്ലെന്ന് വൈറ്റ്ഹൗസ് പ്രതിനിധി വ്യക്തമാക്കി. സി.എൻ.എൻ ഹാളിൽ നടന്ന പരിപാടിയിൽ തായ്വാനെ സംരക്ഷിക്കാനായി അമേരിക്ക രംഗത്തിറങ്ങുമോ എന്ന ചോദ്യത്തിന് അതെ എന്നായിരുന്നു ബൈഡന്റെ മറുപടി. ബീജിങിൽ നിന്ന് സൈനികവും രാഷ്ട്രീയവുമായ സമ്മർദം നേരിടുന്ന തായ്വാനെ സംരക്ഷിക്കാൻ തങ്ങൾ പ്രതിബദ്ധതരാണെന്ന് ബൈഡൻ വ്യക്തമാക്കി. തായ്വാൻ വിഷയത്തിൽ പതിറ്റാണ്ടുകളായി അമേരിക്ക തന്ത്രപരമായ മൗനം അവലംബിച്ചുവരികയായിരുന്നു. തായ്വാന് സൈനികവും രാഷ്ട്രീയവുമായ സഹായം നൽകിയിരുന്നെങ്കിലും വിഷയത്തിൽ പരസ്യ പ്രഖ്യാപനങ്ങൾക്കൊന്നും അമേരിക്ക മുതിർന്നിരുന്നില്ല. ആദ്യമായാണ് ചൈനയിൽ നിന്ന് ദ്വീപിനെ സംരക്ഷിക്കാൻ രംഗത്തെത്തുമെന്ന് അമേരിക്കൻ പ്രസിഡന്റ് പ്രഖ്യാപിക്കുന്നത്. നിലപാടിൽ മാറ്റമില്ലെന്ന് വൈറ്റ്ഹൗസ് പറ്ഞ്ഞെങ്കിലും പ്രസിഡന്റിന് നാക്കുപിഴ സംഭവിച്ചതാണോ എന്ന ചോദ്യത്തിൽ നിന്ന് അവർ ഒഴിഞ്ഞുമാറി. തായ്വാൻ റിലേഷൻഷിപ്പ് നിയമം പ്രകാരമാണ് അമേരിക്ക വിഷയത്തിൽ നിലപാട് രൂപീകരിച്ചിരുന്നത്. തായ്വാന്റെ സ്വയം പ്രതിരോധത്തെ പിന്തുണയ്ക്കുന്നത് ഞങ്ങൾ തുടരും. ദ്വീപിന്റെ നിലവിലെ സാഹചര്യങ്ങളിൽ ഏകപക്ഷീയമായി മാറ്റം കൊണ്ടുവരാൻ ശ്രമിച്ചാൽ ഞങ്ങൾ അതിനെ എതിർക്കും- വൈറ്റ്ഹൗസ് വക്താവ് വ്യക്തമാക്കി. അതേസമയം ബൈഡന്റെ പ്രസ്താവനയിൽ ശക്തമായ പ്രതിഷേധവുമായി ചൈന രംഗത്തെത്തി. തങ്ങൾക്ക് സുപ്രധാനമായ വിഷയങ്ങളിൽ ഒരു തരത്തിലുള്ള ഇളവുകളും വരുത്താൻ ചൈന ഉദ്ദേശിക്കുന്നില്ലെന്ന് ചൈനീസ് വിദേശകാര്യ വക്താവ് പ്രതികരിച്ചു. തായ്വാൻ വിഷയത്തിൽ അമേരിക്ക ശ്രദ്ധിച്ച് പ്രസ്താവനകൾ നടത്തണം. ഇത്തരത്തിലുള്ള പ്രസ്താവനകൾ നടത്തുന്നത് അമേരിക്ക-ചൈന ബന്ധത്തെയും തായ്വാൻ കടലിടുക്കിലെ സമാധാനത്തെയും ബാധിക്കുമെന്നും ചൈനീസ് വിദേശകാര്യ വക്താവ് വാങ് വെൻബിൻ വ്യക്തമാക്കി. Content Highlights: Biden says United States would come to Taiwans defense
- 100 കോടി ഡോസ് വാക്‌സിന്‍ കുത്തിവെപ്പ്: പിന്നാലെ ട്വിറ്ററിലെ പ്രൊഫൈല്‍ചിത്രം മാറ്റി പ്രധാനമന്ത്രി
ന്യൂഡൽഹി: രാജ്യം 100 കോടി ഡോസ് കോവിഡ് വാക്സിൻ കുത്തിവെപ്പ് പൂർത്തിയാക്കിയതിന് പിന്നാലെ ട്വിറ്ററിലെ പ്രൊഫൈൽ ചിത്രം മാറ്റി പ്രധാനമന്ത്രി നരേന്ദ്ര മോദി. കോവിഡ് വാക്സിൻ കുപ്പിയുടെ പുറത്ത് അഭിനന്ദനം ഇന്ത്യ എന്ന് രേഖപ്പെടുത്തിയതാണ് പുതിയ ചിത്രം. രാജ്യത്ത് 100 കോഡി ഡോസ് കോവിഡ് വാക്സിൻ ഡോസുകൾ കുത്തിവച്ചുവെന്നും അതിൽ വ്യക്തമാക്കിയിട്ടുണ്ട്. ഇന്ത്യ ചരിത്രം രചിച്ചിരിക്കുന്നു. ഇന്ത്യൻ ശാസ്ത്ര രംഗത്തിന്റെയും സംരംഭകരുടെയും 130 കോടി ഇന്ത്യക്കാരുടെയും വിജയമാണിത് - പ്രധാനമന്ത്രി വ്യാഴാഴ്ച ട്വീറ്റ് ചെയ്തു. രാജ്യം 100 കോടി ഡോസ് വാക്സിൻ കുത്തിവെപ്പ് പൂർത്തിയാക്കിയതിന്തൊട്ടുപിന്നാലെ ആയിരുന്നു ട്വീറ്റ്. കഴിഞ്ഞ ഏപ്രിലിലും പ്രധാനമന്ത്രി തന്റെ പ്രൊഫൈൽ ചിത്രം മാറ്റിയിരുന്നു. കോവിഡ് ലോക്ഡൗൺ മെയ് മൂന്നുവരെ നീട്ടുന്നതായി പ്രഖ്യാപിച്ചുകൊണ്ട് രാജ്യത്തെ അഭിസംബോധന ചെയ്തതിന് പിന്നാലെ ആയിരുന്നു ഇത്. കോവിഡിന്റെ പശ്ചാത്തലത്തിൽ പ്രധാനമന്ത്രിയുടെ വായും മൂക്കും തൂവാലകൊണ്ട് മറച്ച നിലയിലുള്ളതായിരുന്നു പുതിയ ചിത്രം. 2021 ജനുവരി 16-ന് ആരോഗ്യപ്രവർത്തകർക്ക് കുത്തിവെപ്പ് നൽകിക്കൊണ്ടാണ് ഇന്ത്യയിൽ വാക്സിനേഷൻ യജ്ഞംആരംഭിച്ചത്. 3006 കുത്തിവെപ്പ് കേന്ദ്രങ്ങളിലൂടെ 165714 പേരാണ് ആദ്യദിനം വാക്സിനെടുത്തത്. ഫെബ്രുവരി 2 മുതൽ മറ്റ് മുന്നണിപ്പോരാളികൾക്കും കുത്തിവെപ്പ് നൽകി. തൊട്ടടുത്ത മാസം ഒന്നാം തീയതി മുതലായിരുന്നു മുതിർന്ന പൗരന്മാർക്കും 45 വയസ്സിന് മുകളിൽ പ്രായമുള്ള അസുഖബാധിതർക്കും മുൻഗണനാക്രമത്തിൽ പ്രതിരോധ കുത്തിവയ്പ്പ് നൽകിയത്. കഴിഞ്ഞ മെയ് ഒന്ന് മുതൽ 18 വയസ്സിന് മുകളിലുള്ള എല്ലാവർക്കും പ്രതിരോധ കുത്തിവയ്പ്പ് ലഭിച്ചു തുടങ്ങി. കഴിഞ്ഞ 10 മാസം കൊണ്ടാണ്ഇന്ത്യ നൂറുകോടി ഡോസ് തികയ്ക്കുന്നത്. 85 ദിവസംകൊണ്ട് 10 കോടി ജനങ്ങൾക്ക് വാക്സിൻ കുത്തിവച്ചു. 45 ദിവസങ്ങൾകൂടി പിന്നിട്ടപ്പോൾ വാക്സിൻ കുത്തിവെ്പ്പ് എടുത്തവരുടെ എണ്ണം 20 കോടി കടന്നു. 29 ദിവസങ്ങൾകൂടി കഴിഞ്ഞപ്പോൾ 30 കോടി പിന്നിട്ടു. 24 ദിവസം കൊണ്ടാണ് വാക്സിൻ കുത്തിവെപ്പ് 30 കോടിയിൽനിന്ന് 40 കോടിയിലെത്തിയത്. 50 കോടി കടക്കാൻ വീണ്ടും 20 ദിവസംകൂടി വേണ്ടിവന്നു. 76 ദിവസങ്ങൾകൂടി കഴിഞ്ഞാണ് 100 കോടി ജനങ്ങൾക്ക് വാക്സിൻ കുത്തിവെപ്പ് നൽകാൻ കഴിഞ്ഞത്. വാക്സിൻ നൂറുകോടി ക്ലബ്ബിലേക്ക് ഇന്ത്യയെത്തുന്നത് ചൈനയ്ക്ക് തൊട്ടുപിറകെയാണ്. മറ്റുള്ള രാജ്യങ്ങളിലെ ജനംസംഖ്യ നൂറു കോടിക്ക് മുകളിൽ ഇല്ലാത്തതിനാൽ ഇന്ത്യയ്ക്കും ചൈനയ്ക്കും പുറമെ മറ്റാരും ഇതിലേക്ക് കടന്നുവരികയുമില്ല. വാക്സസിൻ സംഭരണം, വിതരണം തുടങ്ങി എല്ലാ മേഖലകളിലും രാജ്യം നേരിട്ട വെല്ലുവിളികൾ ചെറുതല്ല. ആരോഗ്യ സംവിധാനങ്ങളുടെ പരിമിതി നേരിടുന്ന രാജ്യത്തെ ഉൾഗ്രാമങ്ങളിൽ വരെ വാക്സിനേഷൻ കേന്ദ്രങ്ങളാരംഭിച്ചു. വടക്കു കിഴക്കൻ സംസ്ഥാനങ്ങളിലെ മലനിരകളിലെ ജനവാസ കേന്ദ്രങ്ങളിൽ ഡ്രോൺ സംവിധാനം ഉപയോഗിച്ചാണ് വാക്സിനെത്തിച്ചത്. ഒക്ടോബർ 5-ന് കേന്ദ്ര ആരോഗ്യമന്ത്രി മൻസുഖ് മാണ്ഡവ്യ ഐ ഡ്രോൺ ക്യാമ്പയിൻ ലോഞ്ച് ചെയ്തു. മേക്ക് ഇന്ത്യ പദ്ധതിയിൽ നിർമ്മിച്ച ഡ്രോണുകളാണ് ഇതിനായി ഉപയോഗിക്കുന്നത്. മണിപ്പൂരിലെ ബിഷ്ണുപൂർ ജില്ലാ ആശുപത്രിയിൽ നിന്നും, കാരങ്ക് ദ്വീപിലേക്ക് ആദ്യമായി ഡ്രോണിൽ വാക്സിനെത്തി. രാജ്യത്ത് നിലവിൽ 74,583 വാക്സിൻ വിതരണ കേന്ദ്രങ്ങളാണുള്ളത്. ഇതിൽ 72,396 എണ്ണം സർക്കാർ തലത്തിലും 2,187 എണ്ണം സ്വകാര്യ മേഖലയിലുമാണ്.
- ഡസേര്‍ട്ടിന് മദ്യത്തിന്റെ രുചി, പരാതിയില്‍ വെളിച്ചത്തുവന്നത് യുവാക്കളെ ലക്ഷ്യമിട്ട കച്ചവടകുതന്ത്രം
കോയമ്പത്തൂർ: ഭക്ഷ്യവസ്തുക്കൾ വിൽപന നടത്താൻ മദ്യവും ലഹരിയും ചേർത്ത കഫേ പൂട്ടിച്ച് ആരോഗ്യവകുപ്പ്. തമിഴ്നാട്ടിലെ കോയമ്പത്തൂരിലാണ് വിദ്യാർഥികളും ചെറുപ്പക്കാരും ധാരാളം എത്തുന്ന കഫേയിൽ ലഹരി വസ്തുക്കൾ കലർത്തി ഭക്ഷ്യവസ്തുക്കൾ വിളമ്പിയത്. പരാതിയിൽ ആരോഗ്യമന്ത്രി നേരിട്ട് ഇടപെട്ടതോടെ പരിശോധനയ്ക്ക് ശേഷം കട പൂട്ടുകയും ചെയ്തു. കോയമ്പത്തൂരിലെ ആർ.ഡി കഫേയിലാണ് സംഭവം കഴിഞ്ഞ ദിവസം ഇവിടെ എത്തി ഡസേർട്ട് കഴിച്ചവരിൽ ഒരാൾക്ക് മദ്യത്തിന്റെ സ്വാദ് തോന്നി. സംശയം പ്രകടിപ്പിച്ചപ്പോൾ ഒപ്പമുണ്ടായിരുന്നവരും ഇതേ അഭിപ്രായം പറഞ്ഞു. സ്കൂൾ കോളേജ് വിദ്യാർഥികൾ ധാരാളമെത്തുന്ന സ്ഥലത്ത് ഉടമയുടെ കച്ചവട തന്ത്രമാണിതെന്ന് മനസ്സിലായതോടെ ആരോഗ്യ വകുപ്പിന് ഇയാൾ നേരിട്ട് പരാതി നൽകി. തുടർന്ന് അധികൃതർ നടത്തിയ പരിശോധനയിൽ കഫേയുടെ അടുക്കളയിൽ നിന്ന് മദ്യവും കണ്ടെത്തി. കഫേയിൽ ഭക്ഷണം പാകം ചെയ്യുന്ന സ്ഥലത്ത് നിന്ന് ബ്രാൻഡിയും വിസ്കിയും ലഭിച്ചതോടെ ഭക്ഷ്യ സുരക്ഷാ ഉദ്യോഗസ്ഥർ കട പൂട്ടി സീൽ ചെയ്തു. സ്കൂൾ കോളേജ് വിദ്യാർഥികൾ ഇത് നിരന്തരം ഉപയോഗിക്കുന്നതിലൂടെ അവർ പോലും അറിയാതെ ലഹരിക്ക് അടിമയാകും, കച്ചവടം പൊടിപൊടിക്കും- ഇതായിരുന്നു രീതിയെന്ന് ഭക്ഷ്യ സുരക്ഷാ ഉദ്യോഗസ്ഥർ പറയുന്നു. ഭക്ഷണത്തിന്റെ സാമ്പിൾ ലാബിൽ പരിശോധനയ്ക്ക് അയച്ചിട്ടുണ്ട്. ഇതിന്റെ ഫലം വന്ന ശേഷം തുടർനടപടി സ്വീകരിക്കുമെന്ന് അധികൃതർ അറിയിച്ചു. Content Highlights: desert items sold with mixing alcohol, cafe closed
- ഐപിഎല്‍ ടീമിനായി ദീപികയും രണ്‍വീറും; ബോളിവുഡ് സാന്നിധ്യം കൂടുമോ?
ദുബായ്: ഇന്ത്യൻ പ്രീമിയർ ലീഗിലെ ഒരു ടീമിനെ സ്വന്തമാക്കാൻ ബോളിവുഡ് താരങ്ങളായ ദീപിക പദുക്കോണും രൺവീർ സിങ്ങും ഒരുങ്ങുന്നതായി റിപ്പോർട്ട്. ഐപിഎല്ലിൽ പുതുതായി അനുവദിക്കുന്ന രണ്ട് ടീമുകളിൽ ഒന്നിനെ സ്വന്തമാക്കാനാണ് താരജോഡികൾ രംഗത്തിറങ്ങുന്നത്. തിങ്കളാഴ്ച്ച ദുബായിൽ വെച്ചാണ് ലേലം. ഇരുവരും ടീമിനെ സ്വന്തമാക്കിയാൽ ഐപിഎല്ലിലെ ബോളിവുഡ് താരങ്ങളുടെ സാന്നിധ്യം വർധിക്കും. നിലവിൽ പ്രീതി സിന്റ പഞ്ചാബ് കിങ്സിന്റേയും ഷാഖൂഖ് ഖാൻ കൊൽക്കത്ത നൈറ്റ് റൈഡേഴ്സിന്റേയും ഉടമകളാണ്. പുതിയ ടീമിനെ സ്വന്തമാക്കാൻ ഇംഗ്ലീഷ് പ്രീമിയർ ലീഗ് ഫുട്ബോൾ ടീം മാഞ്ചസ്റ്റർ യുണൈറ്റഡും രംഗത്തുണ്ട്. യുണൈറ്റഡിന്റെ ഉടമകളായ ഗ്ലെയ്സർ കുടുംബമാണ് മറ്റൊരു സ്വകാര്യ ഏജൻസി വഴി ബിസിസിഐയുടെ ടെണ്ടർ അപേക്ഷയോട് പ്രതികരിച്ചത്. ഇവരോടൊപ്പം അദാനി ഗ്രൂപ്പും മത്സരരംഗത്തുണ്ടാകും. പുതിയ ടീമുകൾക്കായി റാഞ്ചി, ലക്നൗ, അഹമ്മദാബാദ്, ഗുവാഹത്തി, കട്ടക്ക്, ധരംശാല തുടങ്ങിയ നഗരങ്ങളുടെ ചുരുക്കപ്പട്ടിക ബിസിസിഐ പുറത്തിറക്കിയിരുന്നു. ഇതിൽ അഹമ്മദാബാദ്, ലക്നൗ എന്നീ ഫ്രാഞ്ചൈസികൾക്കാണ് കൂടുതൽ സാധ്യതയുള്ളത്. 2000 കോടി രൂപയാണ് ഒരു ടീമിന്റെ അടിസ്ഥാന വിലയെന്നാണ് റിപ്പോർട്ട്. Content Highlights: Deepika Padukone, Ranveer Singh Set To Bid For New IPL Team
- പിണറായി പൂതപ്പാട്ടിലെ ഭൂതത്തിന്റെ നിലവാരത്തിലേക്കെങ്കിലും ഉയരണം - ബി.ജെ.പി
ആലപ്പുഴ : തിരുവനന്തപുരത്ത് കുഞ്ഞിനെ തട്ടിയെടുത്ത കേസ് കേരളത്തിന് നാണക്കേടാണെന്ന് ബി.ജെ.പി. സംസ്ഥാന വക്താവ് സന്ദീപ് വാചസ്പതി. സിപിഎമ്മിന്റെ മനുഷ്യത്വ വിരുദ്ധ സമീപനത്തിന്റെ തെളിവാണിത്. ഇടശ്ശേരിയുടെ പൂതപ്പാട്ടിലെ ഭൂതത്തിന് വരെ അമ്മയോട് അലിവ് തോന്നിയിട്ടുണ്ട്. ആ ഭൂതത്തിന്റെ നിലവാരത്തിലേക്കെങ്കിലും പിണറായി വിജയൻ ഉയരണം-ആലപ്പുഴയിൽ വാർത്താസമ്മേളനത്തിൽ സന്ദീപ് വാചസ്പതി ആവശ്യപ്പെട്ടു. സംസ്ഥാനത്തെ 7 ജലവൈദ്യുത പദ്ധതികളിലായി 14 ജനറേറ്ററുകൾ പ്രവർത്തിപ്പിക്കാത്തതിനെപ്പറ്റി സമഗ്ര അന്വേഷണം വേണമെന്നും സന്ദീപ് ആവശ്യപ്പെട്ടു. ഇതു മൂലം ഡാമുകൾ പൂർണശേഷിയിൽ പ്രവർത്തിപ്പിക്കാൻ സാധിക്കുന്നില്ല. കേരളത്തിൽ അടിക്കടി ഉണ്ടാകുന്ന വെള്ളപ്പൊക്കത്തിന് ഇതാണ് കാരണമെന്നും അദ്ദേഹം ചൂണ്ടിക്കാണിച്ചു. മഴക്കാലത്തിന് മുന്നോടിയായി ഡാമുകളിലെ വെള്ളത്തിന്റെ അളവ് പുനഃക്രമീകരിക്കുന്ന പതിവ് കഴിഞ്ഞ കുറേക്കാലമായി കേരളത്തിൽ നടക്കുന്നില്ല. 500 മില്യൺ വൈദ്യുതി ഉത്പാദിപ്പിക്കാനുള്ള വെള്ളമാണ് സാധാരണ മഴക്കാലത്ത് ഡാമുകളിൽ നിലനിർത്തുക. എന്നാൽ ഇപ്പോൾ മൂന്നിരട്ടി വെള്ളമാണ് സംഭരിക്കുന്നത്. ഇത് മൂലമാണ് ഒന്നോ രണ്ടോ മഴ പെയ്യുമ്പോഴേക്കും ഡാം തുറക്കേണ്ടി വരുന്നത്. ഇതിന് പിന്നിൽ കോടിക്കണക്കിന് രൂപയുടെ അഴിമതി ഉണ്ട്. ഇതിനു പുറമെ സാധാരണക്കാരുടെ ജീവനും സ്വത്തും നഷ്ടമാവുകയും ചെയ്യുന്നു. ശബരിഗിരി പദ്ധതിയിൽ 2, ഇടുക്കിയിൽ 1, പള്ളിവാസലിൽ 2, പള്ളിവാസൽ എക്സ്സ്റ്റൻ ഷനിൽ 2, മൂഴിയാറിൽ 1, തോട്ടിയാറിൽ 2, പെരിങ്ങൽക്കുത്തിൽ 1, ഭൂതത്താൻകെട്ടിൽ 3 എന്നിങ്ങനെയാണ് പ്രവർത്തിക്കാതെ കിടക്കുന്ന ജനറേറ്ററുകളുടെ എണ്ണം. 400 മെഗാവാട്ട് വൈദ്യുതി ഉത്പാദിപ്പിക്കാൻ ശേഷിയുള്ള ജനറേറ്ററുകളാണ് ഇത്. കേരളം കേന്ദ്ര പൂളിൽ നിന്നും സ്വകാര്യ കമ്പനികളിൽ നിന്നും 2500 മെഗാവാട്ടിന് മുകളിൽ വിലയ്ക്ക് വാങ്ങുമ്പോഴാണ് കെഎസ്ഇബിയുടെ ഉടമസ്ഥതയിലുള്ള ഡാമുകൾ പൂർണ തോതിൽ പ്രവർത്തിപ്പിക്കാത്തത്. ഇത് കോടികളുടെ അഴിമതിയ്ക്ക് വേണ്ടിയാണ്. കേരളത്തിലെ ഡാമുകളെ പറ്റി സർക്കാർ ധവളപത്രം പുറപ്പെടുവിക്കാൻ സർക്കാർ തയ്യാറാകണം. വൈദ്യുത ബോർഡിനെ നിയന്ത്രിക്കാൻ ചുമതലപ്പെട്ട റെഗുലേറ്ററി ബോർഡിനെ സർക്കാർ അട്ടിമറിക്കുകയാണ്. ഇതിനായി രാഷ്ട്രീയ നേതാക്കന്മാരെ തിരുകി കയറ്റുന്നു. ഇത് മൂലം റെഗുലേറ്ററി ബോർഡിന്റെ അടിസ്ഥാന ചുമലത നിർവഹിക്കാൻ പറ്റാതെ വന്നുവെന്നും അദ്ദേഹം ആരോപിച്ചു. ബിജെപി ജില്ലാ അധ്യക്ഷൻ എം.വി ഗോപകുമാർ, ദക്ഷിണ മേഖല ഉപാധ്യക്ഷൻ കൊട്ടാരം ഉണ്ണികൃഷ്ണൻ, ജില്ലാ സെൽ കോ-ഓർഡിനേറ്റർ ജി വിനോദ്കുമാർ എന്നിവരും ഒപ്പമുണ്ടായിരുന്നു. Content Highlights:BJP State spokesperson sandeep vachaspathi accuses pinarayi vijayan in Anupama S Chandran Issue
- ആര്യന് ഖാന് കഞ്ചാവ് എത്തിച്ചു നല്‍കാമെന്ന് അനന്യ; കുരുക്കിയത് വാട്ടസ്ആപ്പ് ചാറ്റ്
മുംബൈ: മയക്കുമരുന്നു കേസിൽ നടി അനന്യ പാണ്ഡെയെ ചോദ്യം ചെയ്തതും വീട്ടിൽ റെയ്ഡ് നടത്തിയതും വാട്ട്സ്ആപ്പ് ചാറ്റ് കേന്ദ്രീകരിച്ച് നടന്ന അന്വേഷണത്തിൽ. കഞ്ചാവ് ലഭിക്കുമോ എന്ന് ആര്യൻ ചോദിക്കുമ്പോൾ, ശരിയാക്കാം എന്ന് അനന്യ പറയുന്നു. എന്നാൽ നടി നിരോധിത ലഹരിപദാർഥങ്ങൾ ആര്യന് എത്തിച്ചുനൽകിയതിന് തെളിവുകളൊന്നും ലഭിച്ചിട്ടില്ല. കഴിഞ്ഞ ദിവസമാണ് നർകോട്ടിക് കൺട്രോൺ ബ്യൂറോ അനന്യയെ മുംബൈയിലെ ഓഫീസിലേക്ക് വിളിപ്പിച്ചത്. നാല് മണിക്കൂറോളം ചോദ്യം ചെയ്യുകയും വിട്ടയക്കുകയും ചെയ്തു. കൂടുതൽ തെളിവുകൾ ശേഖരിക്കാൻ നടിയുടെ ലാപ്പ്ടോപ്പ്, മൊബൈൽ ഫോൺ തുടങ്ങിയവ എൻ.സി.ബി പിടിച്ചെടുത്തു. രണ്ടാം ഘട്ട ചോദ്യം ചെയ്യലിന് വെള്ളിയാഴ്ച നടി ഹാജരായേക്കും. ആഡംബര കപ്പലിൽ നടന്ന റെയ്ഡിലാണ് ആര്യൻ ഖാൻ, അർബാസ് മെർച്ചന്റ് തുടങ്ങിയവർ അറസ്റ്റിലായത്. നിലനിൽ മുംബൈ ആർതർ റോഡ് ജയിലിൽ ജുഡീഷ്യൽ കസ്റ്റഡിയിലാണ് ആര്യൻ ഖാൻ. Content Highlights:Ananya Pandays chats reveal she agreed to arrange ganja for Aryan Khan, drug case, NCB
- നല്ല ഡ്രൈവിങ്ങിന് പോലീസിന്റെ സമ്മാനം; നിയമം തെറ്റിക്കാതെ വാഹനമോടിച്ചാല്‍ എക്സ്പോ ടിക്കറ്റ് ഫ്രീ
മികച്ച ഡ്രൈവർമാർക്ക് അബുദാബി പോലീസ് ഹാപ്പിനസ് പട്രോളിങ് വിഭാഗം എക്സ്പോ പാസ്പോർട്ട് സമ്മാനിച്ചു. എക്സ്പോയോടനുബന്ധിച്ച് ദുബായിൽ ഗതാഗത നിയമങ്ങൾ പാലിച്ചുകൊണ്ട് മാതൃകാപരമായ ഡ്രൈവിങ് കാഴ്ചവെക്കുന്നവരെ ആദരിക്കുന്ന പദ്ധതി പ്രകാരമാണിത്. ലോകത്തിലെ ഏറ്റവും മികച്ച ഗതാഗത സംവിധാനമാണ് യു.എ.ഇ.യിൽ നിലവിലുള്ളതെന്ന് പോലീസ് പറഞ്ഞു. വാഹനമോടിക്കുന്നവർ നിയമം കൃത്യമായി പാലിക്കാൻ തയ്യാറാകണം. അമിതവേഗവും വാഹനങ്ങൾക്കിടയിൽ ആവശ്യമായ അകലം പാലിക്കാത്തതും അശ്രദ്ധയുമാണ് നിരത്തുകളിലെ അപകടങ്ങളിൽ പ്രധാന കാരണമാകാറുള്ളത്. ലോകജനത ആകാംക്ഷയോടെ ഉറ്റുനോക്കുന്ന എക്സ്പോയുടെ ഭാഗമായി സമഗ്രഗതാഗത സംവിധാനമാണ് നടപ്പാക്കുന്നതെന്നും പോലീസ് അറിയിച്ചു. യു.എ.ഇ.യിൽ നടക്കുന്ന ലോകമേളയായ എക്സ്പോ 2020-യുടെ പശ്ചാത്തലത്തിൽ പോലീസ് നടപ്പാക്കിയ ക്ഷേമപദ്ധതിയോടുള്ള നന്ദി ഡ്രൈവർമാരും പൊതുജനങ്ങളും പങ്കുവെച്ചു. Content Highlights;Dubai Expo 2020, Obey Traffic Rule, Abu Dhabi Police, Traffic Rule Violations
- മുംബെെയിൽ കെട്ടിടസമുച്ചയത്തിൽ തീപ്പിടിത്തം; ഒരു മരണം
മുംബൈ: മുംബൈയിലെ ലാൽബാഗിൽ കെട്ടിടസമുച്ചയത്തിൽ വൻതീപ്പിടിത്തം. നഗരത്തിലെ ആഡംബര പാർപ്പിട സമുച്ചയത്തിന്റെ 19-ാം നിലയിലാണ് തീപ്പിടിത്തമുണ്ടായത്. പതിനാല് ഫയർ എഞ്ചിനുകൾ എത്തി തീയണയ്ക്കാനുള്ള ശ്രമങ്ങൾ നടത്തുകയാണ്.ഒരാൾ മരിച്ചതായാണ് റിപ്പോർട്ട്. Mumbai: A 30-year old man while trying to save himself from the fire on the 19th floor of Avigna Park lost grip, fell and died. pic.twitter.com/7b21NgPa6D — Megh Updates🚨™ (@MeghUpdates1) October 22, 2021 കെട്ടിടത്തിന്റെ പത്തൊൻപതാം നിലയിൽ നിന്ന്ഒരാൾ രക്ഷപ്പെടാൻ ശ്രമിക്കുന്നതിനിടെ താഴേക്ക് വീഴുന്ന ദൃശ്യങ്ങൽ പുറത്തുവന്നിരുന്നു.ഉച്ചയ്ക്ക് 12.45 ഓടെയാണ് അരുൺ തിവാരി (30) എന്നയാളെ ആശുപത്രിയിൽ എത്തിച്ചത്. ആശുപത്രിയിലെത്തിക്കുന്നതിന് മുമ്പ് തന്നെ ഇയാൾ മരിച്ചതായി ആശുപത്രി അധികൃതർ അറിയിച്ചു. കിലോമീറ്ററുകളോളം കാണാവുന്ന രീതിയിൽ കറുത്ത പുക അന്തരീക്ഷത്തിലേക്ക് ഉയർന്നുകൊണ്ടിരിക്കുകയാണ്. മുംബൈ മേയർ കിഷോരി പെഡ്നെകറും മറ്റ് ഉദ്യോഗസ്ഥരും സ്ഥലത്തെത്തി രക്ഷാപ്രവർത്തനത്തിന് നേതൃത്വം കൊടുക്കുകയാണ്. Content Highlights:fire broke out at mumbai one declared dead
- അപ്പാർട്ട്മെന്റിലെ തീയിൽനിന്ന് രക്ഷപ്പെടാൻ സാഹസിക ശ്രമം; പത്തൊൻപതാം നിലയിൽ നിന്ന് വീണ് ദാരുണാന്ത്യം
മുംബൈ: തീ പടർന്നമുംബൈയിലെ ലാൽബാഗിൽ പാർപ്പിട സമുച്ചയത്തിൽ നിന്ന് രക്ഷപ്പെടാൻ രക്ഷപ്പെടാൻ അതിസാഹസികമായി ശ്രമിച്ച യുവാവിന് ദാരുണാന്ത്യം. അഗ്നിബാധയുണ്ടായമുംബൈലാൽബാഗിലെ അവിഗ്ന പാർക്കിലെകെട്ടിടത്തിന്റെ 19-ാം നിലയിൽ നിന്ന് ഇയാൾ വീണു മരിക്കുന്നതിന്റെ ഉള്ളുലയ്ക്കുന്ന വീഡിയോ ഇപ്പോൾ പ്രചരിക്കുന്നുണ്ട്. തീയും പുകയും ഉയർന്നുകൊണ്ടിരിക്കുന്ന കെട്ടിടത്തിന്റെ ബാൽക്കണിയിൽനിന്ന് തൂങ്ങിയിറങ്ങാൻ ശ്രമിക്കുന്നതിനിടെയാണ് അരുൺ തിവാരി (30) എന്നയാൾ താഴേക്ക് വീണത്. വെള്ളിയാഴ്ച 12.45 ഓടെയാണ് സംഭവം.ഇയാളെ ആശുപത്രിയിൽ എത്തിച്ചെങ്കിലും മരിച്ചതായി കെ.ഇ.എം ആശുപത്രി അധികൃതർ വ്യക്തമാക്കി. കെട്ടിടത്തിൽ പെട്ടുപോയ നിരവധി പേരെ അഗ്നിശമന സേനയും പോലീസും ചേർന്ന് രക്ഷപ്പെടുത്തി. രക്ഷാപ്രവർത്തനം നടന്നുവരികയാണെന്നും മുംബൈ മേയർ കിഷോരി പട്നേക്കർ പറഞ്ഞു. #Mumbai: A 30-year old panicked man Arun Tiwari, who tried to save himself from the fire on the 19th floor of the 61-storeyed Avigna Park, fell to his death, #BMC Disaster Control said. pic.twitter.com/E4rPQszcvq — Mohan Raut (@tweet_mohn) October 22, 2021 Content Highlights:Fire On 19th Floor Of Luxury Residential Tower In Mumbai, 1 Dead
|
